2019年4月至12月潛水地方推薦

#Diving #Fiji #PacificHarbour #Savusavu #Malaysia #Sipadan #Indonesia #Bail #Philippines #Romblon #潛水 #外潛 #斐濟 #馬來西亞 #印尼 #菲律賓


2019年眨下眼就過左三分一 有冇諗住黎緊會去邊到潛水呢?

如果未諗到既話不妨睇下以下既 #潛水建議地點 (排名不分先後)

1. 斐濟 - 潛遊世界上最幸福的地方 (潛水最佳季節4-12月)


如果大家有留意過我地既facebook, 都會聽過斐濟鯊魚潛水, 係世界上少數可以係唔入鐵籠既狀態下最多可以見到8 種鯊魚既地方, 呢8種鯊魚分別為Bulls, Tigers, Sicklefin Lemons, Silvertips, Grey Reefs, Whitetip Reefs, Blacktip Reefs, and Tawny Nurses, 可以體驗同時被60條以上的鯊魚圍既震撼感覺, 而且仲要有專業人士保護各位潛水員, 因此呢到既意外率係零!



除左Pacific Harbour既鯊潛之外, 係斐濟另一個大島上的Savusavu又有另一個潛水標誌! 就係睇Hammarhead 錘頭鯊!! 每朝早係Dream House呢個divesite都會有80%見到錘頭鯊! 經

過實測, 真係見到兩條2米長既錘頭鯊!! 而且仲可以去到著名潛點Namena Island, 個到除左一地都係花園鰻(Garden ell)之外, 仲有杰克風暴, 海狼, 鯊魚, 海龜等, 仲有唔同色彩既軟硬珊瑚, 海扇, 絕對係影廣角既好題材!




2. 馬來西亞詩巴單 - 世界最佳潛點 (潛水最佳季節4-12月)

熱愛潛水既你必到既潛水天堂, 曾被評為世界世界最佳潛點, 「上帝的水族箱」, 每日只限120人到詩巴單島, 因此極少受到破壞, 水下環境一直保持良好。 詩巴單號稱世上最多大野睇既地方, 基乎你up得出既都可以係到見到, 海狼群, 傑克群, 吞拿魚群, 及其他不同種的魚群, manta ray, eagle ray, 各類鯊魚, 包括鯨鯊, 錘頭鯊等。



3. 印尼峇里 - 尋找翻車魚 (潛水最佳季節4-11月, 翻車魚季節: 7月至10月)

每年既7至10月係峇里呢個地方都會有翻車魚(Mola Mola)出沒, 魚類黎講Mola Mola 都真係叫醜到極致, 但醜到盡頭又有覺得佢個樣幾蠢幾可愛 (好似係讚緊佢), 佢最大既size可以去到5.5米, 重達3,500kg。因為佢好鐘意浮上水面曬太陽既關係亦被叫做「太陽魚」, 而Mola Mola多數都會係凍水既狀態下出現, 因此呢段翻車魚季節既水溫大概19-26度, 無「內置5mm」既潛友記得著厚D wetsuit。另外, 呢個地方亦會有manta出沒!! 島既另一邊TULAMBEN, 更有壯觀的二戰沉船, 其中美軍的USS Liberty Wreck最為有名, 絕對適合鐘意潛沉船既潛水員!



4. 菲律賓朗布隆 - 另一個獨特的微距天堂 (潛水最佳季節10月至6月)

朗布隆或者係個比較少人聽過既地方, 但近年因為有非常罕見既虎斑蝴蝶海兔、美葉海兔、幽

靈海兔等而一炮而紅, 好多熱愛影微距既潛水員都黎朝聖, 美葉海兔(俗稱綿羊仔), 係世上少數可以做光合作用既生物, 但佢既體積非常之細, 真係要落足眼力先睇到 。 而虎斑蝴蝶海兔及幽靈海兔更係朗布隆獨有既品種! 另外, 呢個地方因為地理優勢而成立黑水攝影既好地方! 令到呢個地方可以影到更加多奇怪既「外星生物」!




免費取得最新旅遊資訊 想定期收到我們的資訊?

請填寫簡單個人資料,我們會定期發送電郵給你